Amawulire

Munnamawulire afiridde mu kabenje

Bya Ivan Ssenabulya

Poliisi e Mbale etandise okunonyereza ku kabenje akafiriddemu munnamawulire.

Bannamawulire mu kitundu kya Elgon baguddemu encukwe, munaabwe Brian Masaba abadde omusomi wamawulire ku Open Gate Radio bwafiridde mu kabenje.

Omugenzi abadde aweza emyaka 27 wabula yabadde ku pikipiki, nnamba UEY 674/U kika kya Bajaj Boxer nga bamuvuga omugoba nawaba okuva ku luguudo.

Akabenje kano kaabadde ku luguudo oluva e Namagumba okudda e Sironko, nga baamudusizza mu ddwaliro ekkulu e Mbale gyafiridde.

Omwogezi wa poliisi mu Elgon, Rogers Taitika akakasizza akabenje kano, agambye nti okunonyereza kugenda mu maaso.