Amawulire

Ekitta bantu e Masaka kitwaliddemu omuyizi w’essomero

Ali Mivule

April 13th, 2017

No comments

Bya Gertrude Mutyaba

Omuyizi wa Seniya  esooka akwatiddwa lwakusangibwa nga yoomu kwabo abenyigira mu kusuula ebibaluwa ebyewanisa banna Masaka emitima.

Omukwate (amannya gasirikiddwa) muyizi ku ssomero lya Holy Family Secondary School erisangibwa mu gombolola ye Kyamuliibwa mu district e Kalungu.

Afande Alex Nuwamanya nga yaakulira poliisi ye Kyamuliibwa akakasizza okukwatibwa kw’omuyizi ono wabula naagamba nti bagenda kwongera okumunonyerezaako.

Okukwatibwa kw’omuyizi ono kiddiridde ekibaluwa ekyakoleddwa okulabula nti baakulumba abantu okuli Jane Nabisere, Joan Namazzi, Namutto ku lwomukaaga nga 15 April 2017 okubatta.

Wabula abakulembeze  mu lukiiko oluyitiddwa obukubirire bategeezezza  nti ebibaluwa bino mulimu n’abebyobufuzi ababiri emabega nga baagala wembule ekomewo ebayambeko ku nsonga eno.

Sentebe we gombolola ye Kyamuliibwa Ernest Munene Kisambu mu lukiiko lwelumu asomye ekibaluwa ekigambibwa okuba nga kyasuulibwa omuyizi ono akwatiddwa.