Amawulire
Apollo Kantinti bamugobye mu palamenti
Munna FDC Apollo Kantinti takyali mubaka wa palamenti.
Kkooti ejulirwamu emugobye mu kifo ky’omubaka wa Kyadondo East lwakujeemera mateeka gabyakulonda.
Abalamuzi abasatu okuli Richard Buteera, Cheborion Balishaki ne Paul Mugamba bonna bakkiriziganyizza n’ekyasalibwawo kkooti enkulu nti waliwo n’obululu okuva mu bifo 9 obutaabalibwa ga abantu nga 5000 bafiirwa olukisa lw’okwelondera omubaka waabwe.
Kati kkooti eno eragidde akakiiko k’ebyokulonda kaddemu okutegeka okulonda okulala .
Munna NRM Sitenda Sebalu y’addukira mu kkooti enkulu nga awakanya ebyava mu kulonda Kantinti nebamugobayo naye n’addukira mu kkooti ejulirwamu nayo n’emugoba .
Kati Kantinti n’akakiiko k’ebyokulonda balagiddwa okusasula ssente zonna Sebalu z’asasanyizza ku musango guno ku kkooti enkulu n’ejulirwamu.