Amawulire
Abasomesa nábayizi ba Univesirty bakusosowazibwa mu kugema Covid
Bya Damali Mukhaye
Minisita omubeezi owebyenjigiriza ebisokerwako Joyce Kaducu ategezeza nga gavumenti bwegenda okusooka okufa ku kyokugemesa abasomesa nábayizi ba University okwetoloola eggwanga lyonna singa eddagala linaaba lifunise.
Gavumenti essuubira okufuna doozi ze ddagala erigema ekirwadde kya covid 586,000 mu ssabiiti eno
Okusinzira ku Kaducu, abasomesa bonna nábayizi mu matendekero agawaggulu balina okugemebwa nga amasomero teganagulawo.
Ono asabye bannauganda obutakitwala bubi olwokuba abasomesa nábayizi bakkiriziddwa okubeera ku mwanjo okufuna eddagala erigema ekirwadde
Minisita era ategezeza nti balinze mukulembeze weggwanga ayogere olunaku lwenkya, alungamye kuddi amasomero wegagenda okugulawo.