Amawulire

Abakulu ku poliisi ye Kajjansi bakwatiddwa

Abasirikale ba poliisi abamadaala ag’awaggulu ku poliisi ye Kajjansi  4 bakwatiddwa ,ku byekuusa ku kufa kw’omu ku munaabwe ayakubiddwa amasasi abazigu wiiki ewedde .

Bano bavunaanibwa kubeera nabulagajavu ku kikwekweto kyebakola  ,ekyavirako ababbi b’emmundu okutta eyali akulira poliisi eno  Joseph Bigirwa .

Abakwatiddwa kuliko adumira poliisi ye kajansi Edson Muganzi , akulira ebikwekweto, akulira okunonyereza ku misango ku poliisi eno , n’eyali kalabalaba wemirimu ku poliisi eno ku lunaku olwo.

Aduumira police mu kampala n’emiriraano Andrew Felix Kaweesi agambye nti ensobi ezaakolebwa mu kikwekweto kino zaali zisobola okwewalika obutafiiramu musirikale wa poliisi nga kale bano balina okukangavvulwa.