Amawulire

Women’s Situation Room bagala gavumenti eyekintabuli

Bya Prosy Kisakye

Ekitongole kya Women’s Situation Room Uganda, kisabye omukulembeze we gwanga Yoweri Museveni, eyakalondebwa ku kisanja ekyomukaaga, atondewo gavumenti eyekintabuli omuli nebeyawangudde obutabaleka bamega.

Okusaba kuno kukoleddwa omulamuzi eyawummula Mary Maitum, ngagambye nti enkola eno egezeseddwa ngeriko mu mawanga gyekoze, okusobola okunyweza emirembe mu gwanga.

Abekitongole kino mungeri yeemu, basabye akakiiko kebyokulonda okubangawo entekateeka zokusomesanga abalonzi, ngokulonda tekunaberawo.

Bagamba nti ebimu ku byebazudde ku kulonda kwa 2021 nti abalonzi bangi baali tebamanyi kyakukola.

Abamu baali tebamanyi webalondera, engeri yokulondamu nebirala.