Amawulire

Omubaka Nambooze alabiseeko mu kkooti

Bya Ivan Ssenabulya

Okuwulira omusango oguwakanya etteeka eryajja ekkomo ku myaka gyomukulembeze we gwanga kuzeemu, olwaleero  mu kooti enkulu e Mbale.

Omubaka wa munispaali eye Mukono Betty Nambooze yatandise nokuwa obujulizi bwe, ku biki ebyali mu palamenti  mu biseera byokukubaganya ebirowoozo nokuyisa etteeka lino.

Nambooze yayitibwa nabakungu abalala okubaako byebabuzibwa.

Ono abuziddwa lwaki balemera mu palamenti, waddenga ekiragiro kya spiika kyali kiyise bano okufuluma olwokusiwuuka empisa.

Agambye nti tebaweebwa mukisa, okufuluma olwabantu abagambibwa okubeera abebyokwerinda abaali babazinze.

Kooti eno ekyagenda mu maaso, ngomuwandiisi we gwanika lye gwanga Treasury Keith Muhakanizi, mu kaseera kano yagenda mu maaso nokubaako byanyonyola kooti.

Abalala abasubirwa kuliko omuddumizi wamagye David Muhoozi, kalaani wa palamenti Jane Kibirige nabalala.