Amawulire

Okubala- abadde abala akubiddwa, abalala bakwatiddwa

Ali Mivule

August 29th, 2014

No comments

enumerators

Poliisi e Bukomansimbi ekutte omusajja akubye omu ku babala abantu lwa kwogera na mukyala we

Vincent Dumba y’alumbye Sulaiman Ssezibwa.

SSezzibwa agamba nti Dumba amusanze ayogera ne mukyala we ng’amubuuza ebibuuzo wano n’atandikidde okuyomba n’okumubuuza lwaki abadde abala abantu be.

Amulagidde okuyuza by’abadde awandiise n’agaana eta bw’atyo n’amukwatira ejjambiya olwo musajja wattu n’adduka okutaasa obulamu bwe

SSentebe we ggombolola ye Kibinge Sowedi Serwadda bw’abuuziddwa lwaki abadde atta omuntu, agambye nti takakasizza Dumba by’amugambye era abadde alowooza nti ayagala kumubbira mukazi

Omwogezi wa poliisi mu kitundu kino Noah Sserunjoji  agamba nti omusajja ono agenda kuggulwaako misango gyakuyingirira nteekateeka za gavumenti

Ssentebe we Gombolola ddamba e Sironko akwatiddwa lwakufukuutirira nteekateeka ya kubala bantu

Patrick Boora ye ssentebe we Buteza ekisangibwa e sironko

Omwogezi wa poliisi mu bitundu bino Diana Nandawula agamba nti omusajja ono akwatiddwa n’abalala bana okuli Isma Wanyaro, Emmanuel Wakasolo, Yoweri Wangoro ne Simon Wekoyo.

Nandawula agamba nti abakulu bano bagenda kuggulwaako misango gyakuyingirira nteekateeka za gavumneti ng’ekibonerezo kusibwa myezi mukaaga

Kyo ekitongole ekikola ku kubala abantu kigamba nti okujjako obumulumulu n ga buno, tebannafuna bizibu byamaanyi

Amyuka omwogezi w’ekitongole kino Rosemary Kisakye agamba nti abantu batono abagaanye okubabala

Kisakye agamba nti abantu baddamu bulungi ebibuuzo era nga mu maka webatasanga bantu basaako namba ssatu okulaga nti tebabaze

Bbo abanti babulijjo boogera byanjawulo ku nteekateeka eno

Abamu beesunga kubabala ate abalala beekengedde ebibuuzo ebiriwo

Leave a Reply

Your email address will not be published. Required fields are marked *