Amawulire
Minisita alagidde ku bazadde abambala obubi
Bya Shamim Nateebwa
Minista omubezi ow’ebyenjigiriza ebisookerwako Rose Mary Sseninde Nansubuga alagidde abakulu b’amasomero okuggalira ebweru wa geeti abazadde abagenda ku massomero nga bambadde enkunamyo.
Bino yabyogeredde ku ssomero lya Queen of Peace Primary School e Lubaga ku mukolo gw’omuwolereza w’essomero lino kwe yagguliddewo n’ekizimbe ekyemyaliro essatu okuli ennyumba z’abasomesa, awajjanjabibwa abayizi, etterekero ly’ebitabo ne laabu ya kompyuta.
Sseninde asabye abazadde okufissaawo akadde batuuleko n’abaana baabwe bababuulirire.
Ye Msgr. Charles Kasibante yavumiridde ekya Gavumenti ebbago ly’etteeka Gavumenti mw’eyagalira okuyita okutwala ettaka ly’abantu n’akuutira n’abaana okutya Katonda n’okuwa abantu ekitiibwa.