Amawulire

Meeya ssiwakulondebwa ssinga etteeka eppya liyita

Gavumenti kyaddaaki eyanjizza etteeka erijjako bannakampala obuyinza okulonda loodimeeya.

Okusinziira ku bbago lino, kati loodimeeya wakulondebwa mu ba kansala okuva mu divizoni ettaano ezikola Kampala.

Mu ngeri yeemu ebbago ssinga liyita, KCCA ejja kuba eyongeddwa amaanyi okuddukanya ekibuga nga teyekikiddwaamu bannabyabufuzi

Etteeka lino era likendeeza obuyinza bwa loodimeeya ng’okusinga ajja kuba wa mikolo

Ebbago lino lyanjiddwa ssabawolereza wa gavumenti Fred Ruhindi ku lwa minisita wa kampala Frank Tumwebaze

Omubaka we Kawempe mu bukiikakkono Latif Ssebaggala yoomu ku basimbidde ekkuuli ebbago lino nga bagamba nti minisita Ruhindi tabadde na buyinza bubeerawo ku lwa Tumwebaze

Ono era agambye nti kikyaamu okujjako abantu obuyinza nga balina okwerondera abakulembeze.