Amawulire

Mbabazi yewozezzaako

File Photo: Mbabazi nga awandiika ku T-shirt yo mu ku bawagizi be

Eyali ssabaminista w’eggwanga John Patrick Amama Mbabazi kyaddaaki ayanukudde abalowooza nti ayinza okudda mu NRM nga prof. Gilbert Bukenya bweyakola.

Mbabazi agambye nti akkiririza mu nfuga y’amateeka, ate ng’akimanyia abakulembeze mu kibiina kino tebakitegeera kale nga tasobola ate kwetema ngalike.

Mbabazi agambye nti akaseera ke keekano okufuuka omukulembeze w’eggwanga nga kino tasobola kukituukako ng’ali mu NRM  etakkiririza mu nkyukakyuka.

Mbabazi agambye nti ayimiridde ku nsonga y’okutereeza ebigaanye omuli ebbula ly’emirimu , amalwaliro agakaabye n’ebyenjigiriza ebikyaamu.

Mbabazi era agambye nti okuwaayo empappula ze eri akakiiko akalondesa n’okufuna satifikeeti biraga nti mwetegefu okugenda mu maaso.

Asabye abawagizi be okusigala nga basaggula akalulu okunyweeza emirandira nga wakutandikirawo okuyigga akalulu amangu ddala nga kempeyini zitandise.