Amawulire

Eyasobezza kuwe’myaka 76 bamugalidde

Bya Magembe Sabiiti

Police e Mityana eriko abantu 3 bekute nga bateberezebwa okwenyigira mu ttemu lyokutta Katerega Emmanuel owemyaka 30 ng’ono abadde mutuuze ku kyalo Ndagi mu gombolola ye Bulera e Mityana.

Omulambo gwa Katerega gusangiddwa nga gusulidwa ku mabbali ge kubo okumpi ne kirabo ky’omwenge.

Omwogezi wa police mu Wamala Nobert Ochom ategezezza nga bwebakute abantu 3 okuli Nalongo Kimbugwe bayambeko police mu kunonyereza ku ttemu lino.

Omulambo police egutute mu ddwaliro e Mityana okwekebejebwa.

Mungeri yeemu poliisi e Mityana ekute omuvubuka Kiseka Ronald owemyaka 20 lwakuwamba Namukadde owemyaka 76 namusobyako.

Bino bibadde ku kyalo Senda-kakindu mu gombolola ye Bulera e Mityana omuvubuka ono bwayingiridde namukadde Namale Beatrice namukaka akaboozi namuleka ngamuyuzizza bitundu bye kyama.

Omwogezi wa police Nobert Ochom akakasizza okwatibwa kwomuvubuka ono.