Amawulire
Eyali omubaka, Tonny Kipoi asimbiddwa mu kooti ya’magye
Bya Ruth Anderah
Eyali omubaka we ssaza lya Bubulo West mu Palamenti Tonny Kipoi Nsubuga asindikiddwa mu kooti yamagye gyagenda okuwozesebwa e Makindye.
Kipoi avunanibwa misango egyekuusa ku byokwerinda nga kigambibwa nti yajizza mu November 2012 ne December 2013, mu districts za Uganda ezenjawulo, nekigendererwa okutabangula ebyokwerinda bye gwanga.
Ono alabiseeko mu kooti eno nabajaasi abalala 5 abebgye lye gwanga erya UPDF Sgt. Yunus Lemeriga, CPL Rogers Mwiru, Sgt. Adams Mawa, Sgt. Albino Okenge ne private Ddodola Ijosiga.
wabula begaanye emisango ejibasomeddwa mu maaso ga ssentebe wa kooti eno Lt. Gen Andrew Gutti.
Kipoi asindikiddwa mu kkomera e Luzira gyeyasindikibwa wiiki bbiri 2 emabega omulamuzi wa kooti e Nakawa ku misangio gyokukukusa abantu abali mu makumi 20 okuva mu district ye Bukedea okubatwala mu gwanga lya DR. Congo.
Abajaasi bwebavunanibwa bbo basindikiddwa ku nkambi yamagye e Makindye okutuusa nga 24th Aprillwebanakomezebwawo.
Kipoi yakwatibwa okuva mu gwanga lya Botswana mu February womwaka guno ku misango gyokufuna ensimbi mu lukujjukujju, bweyali yefudde omusawo wekinansi, kwekumuzza kuno.