Amawulire

Bagumbye ewa Minisita

File Photo: Abantu nga bakayana

Abantu abasoba mu bitaano bagumbye mu maka g’omubaka omukyala akikiirira disitulikiti ye Mubende nga bagala gavumenti egobe musigansimbi omuyindi Alamu Obidi mu ttaka lyaabwe kwebagobwa mwaka gwa 2006.

Abatuuze bano bavudde ku byaalo bitaano ebiri mu gombolola ye Nalutuntu ng’abakulembeddwamu Hussein Bugembe ne Kansala w’eggombolola eno Eric Kagaba.

Bagamba nti baagobwa ku ttaka lyaabwe eriwerako mayilo  12 nga liriko abantu 2,000 nga musiga nsimbi ono akozesa poliisi.

Kati bagala omukulembeze w’eggwanga ajje abasange mu maka g’omubaka omukyala Nnalongo Namugwanya Benny Bugembe abazzeeyo mu maka gaabwe

Mu lukiiko olutudde mu maka g’omubaka ono okusala amagezi okulaba webateeka abantu bano omubaka wa gavumenti e Mubende Florence Beyunga agambye babawerezza Prof. Gilbert Baalibasseka Bukenya abasisinkane okukola ku nsonga zaabwe.

Omukyala Bugembe agambye nti bagenda kukolagana n’abakulembeze bonna balabe engeri gyebayinza okumala ekizibu kino.

Ate  addumira police enkulu e Mubende Alex Wabwire abasabye okuddayo mu  maka gaabwe ng’ensonga bwezigonjoolwa.