Amawulire
Ateeredde banne kazambi bamusibye
Bya Ruth Andera
Eyasangiddwa ng’asumuludde sewerage we ng’akulukutira mu bantu awereddwa ekibonerezo kyakwebaka mu kkomera e Luzira okumala ennaku 3.
Senoga Gerald nga Mutuuze we Lungujja mu division ye Lubaga avunaniddwa mu kkooti ya City Hall mu maaso g’omulamuzi we daala erisooka Moses Nabende nakiriza omusango.
Kino kiwaliriza omulamuzi okumuwa ekibonerezo kyakukola busibe mu Kkomera e Luzira okumala ennaku ssatu asobole okuyiga esomo nti sewerage tayiibwa mu luguudo.
Omulamuzi era awadde ekiragiro sewerage eyo ejibweewo mu bwangu kuba kiyinza okukosa obulamu bw’abantu.
Omusajja ono myaka 35 omusango yakguzza nga July 18th 2017 e Lungujja mu Kampala, era nga yakwatibwa aba KCCA abakwasi bamateeka abaali balawuna ekitundu.