Amawulire

Abe Mukono basse ababbi b’ebisolo

Bya Ivan Ssenabulya

Omuntu omu attiddwa n’emmotoka mwabadde atambulira abatuuze nebajitekera omuliro lwa bubbi.

Bino bibade ku kyalo Lusanja mu gombolola ye Namasumbi, mu district ye Mukono, abatuuze ne poliisi bwebekozemu
omulimu okulwanyisa obubbi bw’ebisolo.

Kino kidiridde ababbi okulumba ekiraalo kya Vincent Kamuzinzi nebabbamu ente 2 nebazisala, nga bazindukirizza nga bazipakira mu kutiya.

Ababbi bano babataayizza , bwebagezezaako okudduka mu mmotoka kika kya taxi, mwebabadde batambuliira wabula nebabakwata.

Addumira poliisi ye Naggalama (Grace Nyangoma akaksizza bino. Ente ezisoba mu 100 zezakabbibwa mu magombolola agaliranyewo okuli; Kyampisi, Nabbaale ne Kasawo.