Amawulire
Abayisiramu basabidde banaabwe abali mu Makomera.
Bya Shamim Nateebwa.
Abakulembeze babayisiramu basabye nti banaabwe bonna abaakwatibwa baweebwe obw’enkanya mu maaso g’amateeka.
Bwabadde akulembeddemu okusaala okwokusabira abayisiramu abazze battibwa kko naabo abali mu makomera, supreme Muft wa Uganda Sheik Shaban Ramadan Mubajje agambye nti eggwanga okubeera n’emirembe obwenkanya bulina okugasa buli omu.
Ono agambye nti okusaba kuno sikwakuwakanya government, wabula bano baagala mirembe, kko n’obwenkanya naddala eri banaabwe abaakwatibwa ku misango egy’enjawulo
Ono mungeri yeemu asabye Alipoota ekolebwe mubwangu kubanaabwe abazze battibwa , nga n’eyakasembayo ye Muhammed Kirumira .
Kunsonga za Kitata Muft agambye nti yakiriziddwa okumulabako mu komera ly’amajje gyali, era nategeeza nga bwatali bubi newankubade nga omusangogwe gusoobye.