Amawulire

Abawagizi ba Museveni batubidde

File Photo:Museveni nga yogeerako eri abantu

Abawagizi ba pulezidenti Museveni wansi w’ekibiina kya Gwewalabyeko batubiridde e Mukono oluvanyuma lw’okubulwa entambula y’obwereere okugenda e Luweero.

Bano abakulirwa omusumba Robert Kateregga bakedde kwetegeka nga balinze babakime kyokka nga negyebuli kati teri yabasinyizzaako.

Omu ku bamemba bano John Kezaala sagambye nti omusumba ono yabakubidde amasimu ng’abayita okukungaanira e Mukono kubanga yewabadde entambula.

Ekibinja kino kibaddemu abantu okuva e Namutumba, Iganga, Buvuma, Buikwe ne Mukono era nga abasoba mu 500 nga bonna enkuba ebakubye nebajolobala.

Kateregga bwetumutuukiridde agambye nti ekibinja kino kya bantu abagaala emirembe n’enkulakulana ng’abakaayana kirabika babaaguze.