Amawulire

Abavuganya kubwa loodi meeya byebogedde

Bya Ritah Kemigisa, Juliet Nalwooga ne Prosy Kisakye

Lord-mayor wa Kampala Elias Lukwago anenyezza akakiiko kebyokulonda olwa vvulugu gwebakalabako mu kulonda kuno okwa gavumenti ezebitundu, omutendera ogusoose.

Lukwago agambye nti ebikozesebwa bitusiddwa kikerezi mu bifo ebironderwamu.

Awalala ebikozesebwa mu okuli obukonge bwobululu, ebikyamu ate bitwaliddwa mu bifo ebikyamu.

Bino Lukwago abyogeredde mu maka ge Wakaliga, mu Rubaga bwabadde agenda e Bulwa okulonda.

Abalala Joseph Mayanja amaze okulonda, alondedde alondedde Kiduuka mu Nakawa East.

Jose Chameleon, wano agambye nti egwanga lyetaaga omujiji gwabakulembeze abappya.

Yye Dan Kazibwe amanyiddwa nga Ragga Dee alondedde ku Kazungu e Makindye nasubiza okutondawo emirimu.

Ate Innocent Kawooya alondedde Nateete Central A.

Nga yakamala okulonda Kawooya agambye nti abantu ddala batono abalonze.

Wabula asubira nti essaawa gyezigenda abantu baneyongerako okujja okulonda.