Amawulire
Abavubuka bafiridde mu kirombe
Bya Magembe Sabiiti
Abavubuka 2 bafiridde mu birombe bya zaabu e Lujinji mu gombolola ye Kitumbi mu district ye Kassanda, oluvanyuma lwe ttaka okubabutikira nga bali wansi mu kinya kya fuuti 80.
Abafudde kuliko Byamukama John ow’emyaka 22 ng’ono abadde mutuuze ku kyalo Kyalulolera ne Muyingo Nassani ow’emyaka 24 omutuuze ku kyalo Lujinji D .
Ssentebe we kyalo kino awali empuku eno, Mukuye Danniel nabeganda z’abagenzi batubulidde nti, poliisi n’abatuuze bagezezaako naye, bakyalemereddwa okujayo emirambo gino.
Omwogezi wa poliisi mu Wamala Nobert Ochom akakasizza okufa kwa bavubuka bano, wabula nagamba nti poliisi ekola ekisoboka kyona okuzikulayo emirambo yabwe.