Amawulire
Abasubwa ebigezo bakuddamu omwaka mulamba
Bya Prosy Kisakye
Minisita webyemizannyo, Denis Obua ategezezza nti abazannyi ba Uganda Hippos eyabali wansi wemyaka U20, abasubwa ebigezo bya S4 bwebaali bakiridde egwanga mu mpaka za AFCON mu gwanga lya Mauritania ne banaabwe mu tiimu yabalai wansi wemyaka 17 abakiika e Morocco, bakuddamu omwaka mulamba.
Abazadde nabayizi babadde basaba nti gavumenti bano ebawe ebigezoe byenjawulo.
Wabula minisita ategezezza akakiiko ka palamenti akebyenjigiriza akakubirizibwa omubaka we Pallisa, Jacob Opoloti nti bebuzizza ku bakwatibwako ensonga okuli nekitongole kyebgezo naye tekijja kusoboka.
Abamu ku bayizi abakosebwa kuliko Alpha Ssali, Ivan
Irinimbabazi abayizi ku ssomero lya Royal Giants High school, Oscar Mawa owa Gombe High, Mutyaba Travis owa St Mary’s SS Kitende, Elvis Mwanje owa Masaka SS.