Amawulire

Abasomesa badduse mu mayumba

Abasomesa ku ssomero lya  JohnBosco Primary School Kibulala mu disitulikiti ye Sembabule badduse mu mayumba gaabwe oluvanyuma lw’okuzuula entaana omwazikibwa abantu ekirindi kumpi n’enyumba zabwe.

Kino kiddiridde abayizi abaabadde beera oluggya lw’enyumba zino okulaba ekinya ekiguddemu, bagenda okwetegereza ekiri munda nga buwanga na ngumbagumba z’abafu.

Ssenteebe w’ekyalo Kibulala Tadeo Ssali  ategezezza nga entaana eno bweyazikibwamu abaali mu lutalo olwaleeta gavumenti eriko mu buyinza.

Ssali agamba wano abayeekera ba NRA webasinziiranga okulumba nga era webalukira n’olukwe lw’okulumba enkambi ye Kabamba wabula nga gavumenti yaberabira dda.

Wabula agambye baategezezza dda abaamagye ge Kasijagirwa okulaba nga bazimba ekijukizo ku ntaana eno.

Omwogezi w’enkambi ye Kasijagirwa Maj. Robert Kamara ategezezza nga bwebagenda okukwatagana n’abobuyinza okulaba nga bazimba entaana zino.