Amawulire

Abantu 4 mu nnyumba emu baawereddwa obutwa

Bya Sadat Mbogo

Police mu district y’e Mpigi etandise okunonyereza ku bigambibwa nti family yabantu 4 yaweereddwa obutwa, ekyaviriddeko nomwana owemyezi 8 okufa.

Bino bibaddewo mu kiro ekikeesezza olwaleero ku kyalo Teketwe mu town council y’e Buwama.

Okusinziira ku Phillip Mukasa ayogerera police mu ttunduttundu lya Katonga, maama atannategeerekeka mannya addusiddwa mu ddwaliro ly’e Nkozi ng’ataawa n’abaana be 2 okuli Catherine owemyaka 12 ne Vanessa owemyaka 2.

Ate omuto afudde ye Lawrence Luyambi, ngomulambo gwe gutwaliddwa mu gwanika ly’eddwaliro ekkulu e Mulago okwongera okwekebejjebwa.

Police esanze omugaati, sukaali, obuugi mu flask, amenvu, akawunga n’ebinyeebwa byetutte, babyekebejje okuzuula obanga byabadde biungiddwamu obutwa.