Amawulire

Abanene bameggeddwa mu NRM

File photo: Owe byokulonda mu NRM

Nga tukyagenda mu maaso n’okubatusaako ebyavudde mu kamyufu ka NRM, bingi ebyewunyisa ate nga waliwo n’abapya abayiseemu nga kati beetaga kwetegereza.

Akalulu kano kalese abakadde bangi okuli ne baminisita nga bakaaba ate nga waliwo n’abaali baagwa kyokka nga bazzeemu okuwangula.

Mu ngeri yeemu era akayufu kano kaleese abayimbi ne bannakatemba abasazeewo okwegatta mu byobufuzi.

Mu bapya abazze, eyali omwogezi wa poliisi Simeo Nsubuga yakubye minisita wa tekinologiya Nyombi Thembo ng’ono y’abadde omubaka we Kassanda mu disitulikiti ye Mubende.

Mu ngeri yeemu Judith Nabakooba eyali omwogezi wa poliisi naye yamezze omubaka omukyala owe Mityana Sylivia Namabidde

Mu bakadde abasigazza ebifo kuliko Fred Ruhindi ku kifo ky’omubaka we Nakawa , Abraham Byandala yadde abadde atoba na misango yayiseemu okuddamu okukiikirira abe Katikamu ng’ali ku NRM.

E Mawokota, Amelia Kyambadde yasumattuse ate mu bawanguddwa kuliko minisita Daudi Migereko  , Gen. Kahinda Otafire.

E Luweero AliHajji Abdul Nadduli yawanguddwa Ronald Ndawula ate nga minisita Sarah Opendi yawanguddwa e Tororo

Mu baali bavudde mu byobufuzi abakomyeewo kuliko Igeme Nabeta owe Jjinja ate nga Nsababutuulo naye akomyeewo.

Mu bayimbi abayingidde ebyobufuzi kuliko Dan Kazibwe amanyiddwa nga Ragga Dee ne Judith Babirye