Amawulire

Abakulu ba UNRA bayimbuddwa kooti

Bya Ruth Anderah

Abaali abakulu mu kitongole kyenbyenguudo ekya UNRA abasingisibwa emisango gyokubulankanya obwumbi 24 n’obukadde 700 ezaali ezokukola oluguudo lwa Mukono-Katosi-Nyenga, olwaleero bayimbuddwa kooti ejjulirwamu.

Abantu 3 okuli Apollo Senkeet, eyali akulira ebyensimbi, Joe Semugooma nomubairizi webitabo Wilberforce Senjaako bayimbuddwa omulamuzi Cheborion Barishaki, ku kakalu ka bukadde 10 ezibadde ezobuliwo.

Agambye nti asinzidde ku mbeera ya bulamu bwabantu bano, ngebeera gyebalimu ssi nnungi, atenga batukirizza nebisanyizo ku bantu ababeyimiridde.

Bano balagiddwa okuwaayo paspoota zaabwe eri kooti.

Kooti ewozesa abali benguzi yeyasingisa 3 bano emisango gyobulyake, era nebasibwa emyaka 5.