Amawulire

Abajulizi 120 bebagenda okulumiriza Kwoyelo

Bya Steven Ariong

Oludda lwa gavumenti oluwaabi mu musango gweyali omuddumizi wabayekera ba LRA, Thomas Kwoyelo luliko abajulizi 120 bebayungudde abagenda okulumiriza omuvunanwa mu maaso gabalamuzi 3.

Kowyero olunnaku lwe ggulo yalabiseeko omulundi gwe ogwasoose mu maaso gabalamuzi, mu kooti enkulu etuula e Gulu.

Ono yakwatibwa amagye ga UPDF mu 2009 mu gwanga lya CAR, ngokuva olwo abadde mu kkomera e Luzira.

Avunanibwa emisango 93 okuli okuwakula entalo, okusobya ku bakazi, okuwamba abantu nokubateeka mu buddu, obutemu nemirala.

Akakwungeezi akayise omu ku balamuzi mu musango guno, Michael Elubu, akaksizza nti abajulizi 120 aboludda oluwaabi bebagenda okuletebwa mu kooti.

Omusango guno abalamuzi bagambye nti gwakutwala obudde, kyenkena emyaka 2, okusobola okugulamula obulungi.